رمضان .. الخير اللي مستنيك

أولى أهداف جمعية رسالة الدقهلية خدمة المحتاج، وفي رمضان خدمة المحتاج واجبة لمساعدتهم وتوفير احتياجاتهم، وعلى مدار سنين بتنجح جمعية رسالة بفضل تبرعاتكم في تحقيق احتياجات ملايين من المحتاجين ونشر الخير والمساندة لكل محتاج.

السنة دي شعارنا " رمضان .. الخير اللي مستنيك" لأن الأزمات بتطلع الخير اللي فينا ورمضان بيخلينا نطلعه كمان بسخاء لأن دايمًا ثوابه عظيم، وهدفنا نخدمهم ومانفوتش ثواب الخير في رمضان علينا وعليك.

حملتنا لـ 2023 في رمضان تحت شعار "رمضان .. الخير اللي مستنيك

هدفنا نساعد مليون حالة مستحقة للمساعدة، و تبرعك هيكون خير ومساعدة ليهم مع رسالة الدقهلية، لكل أهل الدقهلية وكل محتاج للعون ولكفالة أسرته. خليك معانا في الخير وربنا يزيد عليك الخير.

أنشطة رسالة الدقهلية في رمضان

رمضان .. الخير اللي مستنيك لأنك هتلاقي أنشطة كتير تقدر تساعد بيها المحتاج في رمضان وأشكال مختلفة تحب تشارك فيها وتقدر تتعرف عليها من خلال زيارة أقرب فرع وكمان تطوع فيها.

تجهيز شنط رمضان

بيجهز متطوعينا في كل الفروع شنط غذائية من مواد غذائية أساسية وتكييسها وتجهيزها ليتم توزيعها على الأسر المحتاجة خلال شهر رمضان.

تجهيز وجبات إفطار صائم يوميًا

يومياً في رمضان بيجهز متطوعو نشاط الإطعام وجبات إفطار صائم صحية ومتنوعة ومُشبعة بالإضافة لاستقبال وجبات جاهزة من المطاعم والبيوت لتوزيعها على الصائمين.

إفطارات الطرق

نشارككم ثواب إفطار صائم يومياً من خلال إفطارات الطرق في كل شوارع الدقهلية وتوزيع وجبات بسيطة من مياه وتمر أو مياه ومولتو أو مياه وبسكوت أو عصير وتمر وغيرهم...

معارض الكساء

بنستقبل تبرعاتكم من الملابس الجديدة أو المستعملة وتنظيفها وتجهيزها في أفضل صورة ممكن أن يحصل عليها المحتاج ويستفاد بيها كأنها جديدة عشان نفرح قلوبهم بيها في العيد.

زكاة الفطر

بتستقبل الجمعية تبرعاتكم لزكاة الفطر وتوزيعها بالعدل على مستحقيها من حالات الجمعية بالدقهلية عشان يحسوا بالعيد وفرحة أولادهم بيه.

مع الحفاظ على باقى الأنشطة من مشاوير الخير للمسنين وزيارت السعادة وفرز الأدوية وبنك الدم وغيرهم كتير لخدمة المحتاج.

رمضان 2023 هنستنى تبرعاتكم معانا زي كل سنة

عايزين نفرح قلوب المحتاج بالخير، والثواب يكون ليك ولينا، رمضان .. الخير اللي مستنيك ومستنيهم ، ممكن تشارك معانا دلوقتي من خلال:

شنطة رمضان

الأسعار السنة دي مختلفة عن كل سنة والمحتاج حاله بقى أصعب وبقى أشد احتياج ومينفعش يجي شهر الخير وميلاقيش فطار ولا سحور، وبدرونا نخدمه وبكرمك نقدمله شنطة غذائية بقيمة 300 جنيه تشمل كل احتياجاته الغذائية الأساسية.

وجبات إفطار صائم

الثواب كبير لإفطار صائم ومينفعش نفوته، وبمشاركتك بيجهز متطوعينا في كل الفروع وجبات إفطار صائم وتوزيعها على الأشد احتياجًا عشان يلاقي فطاره مع كل آذان. ممكن تشارك معانا بأي مبلغ.

إفطارات الطرق

تقدر تتبرع بكيلو من التمر أو كرتونة مياه أو بسهم إفطار صائم بـ 15 جنيه عبارة عن إزازة مياه و3 تمرات.

ملابس العيد

لو حابب تشتري ملابس جديدة ونوزعها او تشارك معانا بأي تكلفة تناسبك نقدر نشتري بيها لبس ل أطفال ونوزعها عليهم.

زكاة الفطر

شارك بزكاة الفطر عنك وعن عيلتك مع رسالة لفرحة محتاج بالعيد.